Pizza Hut

මේක නම් ඇත්තටම ඇත්ත කතාවක්,හැබයි මට වුනු සිද්දියක් නම් නෙමෙයි,,,ඉස්කෝලෙ යන කාලෙදි  සිරාවටම වුනු සිද්දියක්……

දැන් වුනත් අපේ ගෙදරදි යාලුවො ටික සෙට් වුනාම මේ වගෙ සිද්දි අම්බානක එලියට එනවා….ඔන්න හාස්‍ය රසය මදි නම් ඉතින් පොඩ්ඩක් සොරි වෙන්න ඕනි,කථාවෙ වැරැද්දක් නම් නෙමෙයි,,,,ලියන විදිහෙ පොඩි අවුලක් තමා …..

අනික මේ සෙට් එකේ කතා සෑහෙන්න තියනවා මදි නොකියන්න…….මෙක සිද්ද වෙලා තියෙන්නේ කස්ටිය සෙට් වෙලා වලට ක්ලාස් යන කාලෙ,,,

කතාව කියන්න කලින් කට්ටිය ගැන පොඩ්ඩක් කියල ඉන්නම්,,,,මතක හැටියට ‘අතා,කුරුල්ලා,බොනපාට්,ජයා,සමරෙ…ම්ම්ම්’

අනික් සිද්දි වල වගේම මේ සිද්දියෙත් කතා නායකයා තමා ‘කොටා…’සෙට් එකේ හොඳම චරිතය තමා මෙයා…….

අනික් එක තමා සෙට් එකේ හැමෝටම විශේෂ පොදු සමානතාවයක් තියනවා,,,,ඒ තමා අර කොමන් සෙන්ස් කියල කියන්නෙ,,අන්න ඒක මේ කට්ටිය අහලවත් නැති එක….ආයෙ ඉතින් මකලා වත් හදන්න බෑ ඒක නම්….

බොරු නෙමෙයි අදටත් ඒක ඒ විදියටම තමා…..

මෙන්න එහෙනම් පළවෙනි කතාව…..

මං හිතන්නෙ මේක සිද්ද වෙලා තියෙන්නේ AL ක්ලාස් පටන් ගත්ත අළුත වගේ …..

කස්ටිය ඉතින් හැම එකේම ඉතින් නුවර පැත්තෙ තමා ක්ලාස් ගියෙ.

දවසක් ක්ලාස් ඉවරවෙලා එනගමන් “කොටා” අයිඩියා එකක් දාලා තියනවා pizza hut එකට යමු කියල….

හැබයි ඉතින් ජීවිතේට කොටා මේ ගැන අහලා මිසක් දැකලවත් තිබිලා නැතිලු කියන හැටියට…කොහොමෙන් කොහොමෙන් හරි කස්ටියම බ්‍රේක් එකක් හම්බ වුනු ගමන් pizza hut එකටත් ගොඩ වුනා කියමුකෝ…ඇතුලෙදිනම් දෙවියනේ කියලා කට්ටිය වැඩිය අපහසුතාවයට පත් වෙලා නෑ,,පොඩි හරි සිද්දියකට වෙලා තියෙන්නෙ එකෙක් සෝස් ටිකක් හලා ගත්තු එක විතරලු…කඩ්ඩෙන් කොටන්න ගිහිනුත් මොකක්දෝ උනා කියලා මතකයකුත් තියනවා තියනවා වගේ….

හොඳම හරිය තමා දැන්,,,

කට්ටිය ඊට පස්සෙ දවසෙ ඉස්කෝලෙට යනවලු,,,,සෙට් එකේ එකෙක් ඉතින් දැන් ඉස්කොලේට ඇතුල් වෙන කොටම ඇතුලෙ හිටපු තව එකෙක් නිකන් කන්න වගේ බලලා බකස් ගාල හිනා වෙලා,,,,තව එකෙක් ගේට් එක පහු කරල ටික දුරක් යද්දි “ආඃ ඉ***……ඊයෙ පීසා හට් එකක් කැවලු නේ…..” කියලා නිකන් චාටර් විදියට බලලා ගියලු,,,හප්පා දැන් මූට තේරිලා කවුරු හරි එකෙක් ගම කාගෙන තමා කියලා,,,ඒත් ඉතින් මූ කියල මොනවා කරන්නද…මොකක් උනත් පන්තියට යන්න වෙනවනේ කියල පන්තියට ගියාලු…

පන්තියට යනකොට මුලු පන්තියෙම ඉන්න හැම ගෝතයම අහනවලු,,,

“ආඃ ඉ*** උඹත් පීසා හට් එකක්ම කෑවද කියල…”

බලනකොට කොටා ඉන්නවලු පැත්තකට වෙල රතු වෙලා…..ඌ උදේ පාන්දර ඇවිත් පොර වගේ කියල..

“ඊයෙ අපි සෙට් එක ‘පීසාහට්’ ගිහින් ‘පීසාහට්’ කෑවා කියල…”

මූ මෙච්චර වෙලා හිතන් ඉඳලා තියෙන්නෙ පීසාහට් කියලා කෑම වර්ගයක් තියනවා කියලා….මොනවා කියල කරන්නද ඉතින් TV commercial  එකේ දාන්නෙත් pizzahut කියල ලුනෙ,,,(ඌම තමා ඒක කීවෙත්)

පන්තියෙ එවුන්ට ඉතින් ආයෙ එදා වෙන මුකුත් ඕනි නැතිලු ඉතින් ඕකට නෝන්ඩිය දානව ඇරෙන්න,,,,

ඉතුරු කට්ටියත් එනකම් තමා බලගෙන ඉඳලා තියෙන්නෙ,,,

තව ටික වෙලාවක් ගියාට පස්සෙ ‘පීසාහට්’ කාපු සෙට් එකේ තවත් එකෙක් එනවලු,,,හැබැයි මූ පන්තියට එන්න කලින් ඉඳලම සිද්ධිය  දන්නවලු,,,කොටා කරගත්ත ඛේදවාචකය,,,,මූත් ඉතින් දන්නෙ නෑ වගෙ ඇවිල්ල කොටා ගාවින් වාඩි වෙල ශේප් එකේ නොන්ඩියට වගේ ඇහුවලු,,,

“මචන් කොටෝ එලනේ මචන් ඊයෙ කාපු පීසාහට් එක..මොකෝ කියන්නෙ තව දවසක සෙට් වෙමුද කියලා”

ඒක කීවා විතරයි කොටා මුගෙ බෙල්ලෙන් අල්ලගෙන පැත්තකට ගිහින්,,,,ආපහු විනාඩි පහකින් විතර පරක්කු වෙලා ආපු එකා එනවලු නිකන් හොල්මන් වෙලා වගෙ ලුක් එකක් දාගෙන,,,,

එකෙක් ඌ ගාවට කිට්ටු වෙල ඇහුවලු ඇයි බන් මොකෝ සීන් එක උඹට අරූ  කීවෙ මොනවද කියල…

එතකොට අනික් එකා කියනවලු,,,”අඩෝ ඉ***, මම නිකන් ඌට නෝන්ඩියට එහෙම කීවෙ,,,ඒ වුනට මචන් ඉ*** මූ මාව පැත්තකට ගෙනිහින් කියනව….”

“ඒ උඹ දැන් ආවනම් පන්ඩිතය වගෙ කියවන්නෙ නැතුව ඉඳපන්,,,යකෝ හරි වචනෙ ‘පීසාහට්’ නෙමෙයි,,,අපි කෑවෙ pizza,,,ඒව තියෙන්නෙ  Pizza Hutඑකේ,,,දන්නෙ නැත්නම් අහගනින්…මාත් ඕක දන්නෙ නැතිව කියල උදේ ඉදන් හොඳ…ට නෝන්ඩි වෙලා ඉන්නෙ ,,,උඹ මොනා උනත් මාත් එක්ක ඊයෙ ගිය හින්ද කියන්නෙ,,,උඹ චාටර් වෙනවට මං කැමති නැති නිසා “කියල….

ඉතින් ඌට ඒක අහලා හිනා වෙන්නද අඬන්නද කියල හිතාගන්න බැරිවෙලා…..